|
E gsundi Rasse, trüi und troch, es Gmüet so teuff, wie ds Aenziloch.
Mier ligge frei chli ab dr Wält, viel Chräche heimer, Stütz und Spält.
Und raggere muess mänge Pur, si Wäg isch gäch und ds Wärche suur.
Mer seit, mier sige grob und ruuch. S'Flattiere isch hie nid dr Bruuch.
Im Städtlerzüg si mier nid hold, doch si mer tröi wie s'Aemmegold.
Achtzähkarätig, guet und ächt: Doch ds Sueche, das rändiert sich schlächt.
Es chreftigs Wort isch no kei Fluech: Mier mache Ehr im Aentlibuech.
|
|
 |
